ნაშრომი გამორჩეულია იმით, რომ მასში ქართველი ხალხის ცხოვრება და თავგადასავალი ბოლო ორი საუკუნისა და მეტი ხნის განმავლობაში გაშუქებულია კომპლექსურად, უწყვეტად და თანმიმდევრობით. აქცენტი უფრო გამახვილებულია ქვეყნის სოციალურ და პოლიტიკურ სინამდვილეზე, მაგრამ უყურადღებოდ არ არის დატოვებული არც ეკონომიკის, კულტურისა და სხვა სფეროები. სიახლეა ისიც, რომ წიგნში მოცემულია 1801-1917 წლებში საქართველოს რუს ხელისუფალთა მოღვაწეობის უარყოფითი და დადებითი შედეგები, გამოკვეთილია ყველა მთავარმართებლისა და მეფისნაცვლის პორტრეტი. გაანალიზებულია საქართველოს დემოკრატიული რესპუბლიკის საშინაო და საგარეო პოლიტიკა 1918-1921 წლებში, შესწავლილია კომუნისტური პერიოდის საქართველოს შუქ-ჩრდილები, მიმოხილულია პოსტსაბჭოთა ხანის მიღწევები და გამოწვევები სუვერენული და დემოკრატიული სახელმწიფოებრიობის აღმშენებლობის მიმართულებით და სხვა საკითხები