ნაშრომში განხილულია საავტორო და მომიჯნავე უფლებების სფეროს ფუნდამენტური საერთაშორისო აქტების – ბერნის კონვენციის, რომის კონვენციისა და TRIPS შეთანხმების შექმნის ისტორია, იურიდიული სტრუქტურა, ძირითადი პრინციპები, ცალკეული ნორმების ანალიზი და კომენტარი. დანართის სახით მოცემულია აღნიშნული აქტების ქართული და ინგლისურენოვანი ტექსტები. წინამდებარე წიგნი წარმოადგენს საერთაშორისო საავტორო სამართლის სფეროში საქპატენტის მიერ 2005 წელს გამოცემული წიგნის მეორე განახლებულ გამოცემას. მნიშვნელოვანია, რომ 2016 წელს, ამ წიგნთან ერთად, დავით გაბუნიას ავტორობით გამოვიდა წიგნი, რომელშიც განხილულია ისმო-ს კიდევ ორი ხელშეკრულება – „საავტორო უფლებების შესახებ“ და „შესრულებებისა და ფონოგრამების შესახებ“. ამ გამოცემებით ქართველი მკითხველისათვის ხელმისაწვდომი გახდა საერთაშორისო საავტორო სამართლის ყველა იმ აქტის კომენტარი, რომლის მონაწილეცაა საქართველო. წიგნი განკუთვნილია ინტელექტუალური საკუთრების სამართლის სპეციალისტების, მოსამართლეების, ადვოკატებისა და საავტორო უფლებებით დაინტერესებული ნებისმიერი პირისთვის