წინამდებარე პუბლიკაცია მიზნად ისახავს გასულ წლებში როგორც ძველი, ისევე ახალი სამართლებრივი ცნებების კონტექსტური გააზრებისა და დიფერენცირებული განვითარების კუთხით დაგროვილი გამოცდილებების თავმოყრასა და წარმოდგენას. წიგნი, ერთი მხრივ, მოიცავს დაახლოებით 6000 ტერმინის განმარტებას ქართული და ნაწილობრივ გერმანული დოქტრინისა და პრაქტიკის გათვალისწინებით, რაც ამარტივებს მათ ურთიერთგამიჯვნას და იმავდროულად წარმოგვიდგენს სისტემურ სტრუქტურებსა და ურთიერთმიმართებებს, რომლის ფარგლებშიც ამა თუ იმ ცნებას გარკვეული დატვირთვა აკისრია. ასევე დაზუსტებულია ცნებების პროცესუალური მნიშვნელობაც, რითაც იკვეთება კავშირი მატერიალურ-სამართლებრივ უფლებასა და მის განხორციელებას შორის. შესაბამისი მითითებებით უზრუნველყოფილია დეფინიციების სწორი და ზუსტი გაგება, რითაც ლექსიკონი არ განსხვავდება სხვა ქვეყნების მსგავსი პუბლიკაციებისგან.