2013 წლის 8 ივნისს, საქართველოს პარლამენტის ეროვნულ ბიბლიოთეკაში, გრიგოლ რობაქიძის სახელობის უნივერსიტეტის ქართული ემიგრაციის ისტორიისა და გეოგრაფიის სამეცნიერო-კვლევლითი ინსტიტუტის ხელშეწყობით განხორციელდა ბატონ ტიერი ბერიშვილის წიგნის „1924 ეროვნული აჯანყება საქართველოში“ - პრეზენტაცია. წიგნის ავტორი ქართველ ხალხთან მეგობრობის ფრანგული კულტურული ასოციაციის თავმჯდომარეა, ნოე ჟორდანის ინისტიტუტის დამფუძნებელი წევრი და აგრეთვე ლევილ-სიურ-იორჟის საზოგადოება „ქართული კერიის“ წევრიც გახლავთ. წიგნში, რომელიც გამოიცა ქართულ და ფრანგულ ენებზე და განკუთვნილია მკითხველთა ფართო წრისათვის, გამოყენებულია საქართველოს სოციალ-დემოკრატიული პარტიის საზღვარგარეთული ბიუროს არქივი, აგრეთვე ავტორის პირადი არქივი, რუკები და ილუსტრაციები.