საქართველოს მიერ დამოუკიდებლობის მოპოვების შემდგომი წლები თამამად შეიძლება ჩაითვალოს ინვესტიციების მოზიდვის ხელშეწყობისათვის ეკონომიკური და სამართლებრივი გარემოს გარდაქმნის წლებად. საქართველოსთვის, როგორც განვითარებადი ეკონომიკისთვის, ინვესტორებისთვის ხელსაყრელი პირობების შექმნა არის სწრაფი და მდგრადი ეკონომიკური განვითარების წინაპირობა. გამოწვევები, რომლის წინაშეც საქართველო იმყოფება, აუცილებელს ხდის ინვესტიციების მოზიდვის თვალსაზრისით კიდევ უფრო ხელშემწყობი პირობების შექმნას. აღსანიშნავია საკანონმდებლო გარემოს შეფასების საერთაშორისო ინდიკატორები, მათ შორის, Doing Business, რომელსაც როგორც წესი, ინვესტორები გადაწყვეტილების მიღებისას ითვალისწინებენ. შესაბამისად, მნიშვნელოვანია, რომ ინვესტიციების განხორციელების ხელშემწყობი გარემოს შეფასების საერთაშორისო მაჩვენებელში საქართველოს მოწინავე პოზიცია ჰქონდეს